Бу күһүн Судаарыстыбаннай Дуума дьокутааттарын саҥа састаабын талыахпыт. Ким РФ Федеральнай Мунньаҕын дьокутаата буоларын талыы балаҕан ыйын 18, 19, 20 күннэригэр ыытыллыаҕа.
Кандидаттары регистрациялааһын түмүктэннэ. Петр Шамаев (Биир Ньыгыл Арассыыйа), Федот Тумусов (Справедливай Арассыыйа), Гаврил Парахин (ЛДПР), Айаан Васильев (КПРФ), Нюргуяна Заморщикова (Новые люди), Анатолий Ноговицын (Яблоко), Владимир Ю (Коммунисты России), Алексей Лаптев (Родина), Анна Сыромятникова (Зеленые) Саха сириттэн биир мандаттаах быыбардыыр уокуруктан турдулар.
Оттон биһиги өрөспүүбүлүкэбитигэр Ил Түмэҥҥэ Үөһээ Бүлүү уонна Горнай улуустарыгар дьокутааттары талыы буолуоҕа.
Ону сэргэ биһиги улууспутугар Кэмпэндээйи нэһилиэгин баһылыгын саҥа муниципальнай сокуоҥҥа олоҕуран талыахтара.
Бу күннэргэ Сунтаардааҕы территориальнай быыбардыыр хамыыһыйатын бэрэссэдээтэлэ Наталия Яковлева иһитиннэрэринэн, бэлэмнэнии үлэлэр бара тураллар. Ол курдук, билигин быыбардааччы ахсаанын сааһылааһын, учаастактары ирдэбилгэ эппиэттиир гына тэрийээһин уо.д.а. дьаһаллар ыытыллаллар. Ону сэргэ балаҕан ыйын 18-19-20 күннэригэр пропискалаах сирдэригэр суох, атын сиргэ араас биричиинэнэн барар гражданнар эрдэттэн сайабылыанньа биэриэхтээхтэрин этэр. Ол курдук, быыбар буолар күннэригэр мин атын сиргэ баарбын диэн биллэрэн сайабылынньа суруйар. Сайабыльыанналаах ол тиийбит сиригэр куоластыаҕын сөп. Сайабылынньыаны бэйэлэрин быыбардыыр учаастактарыгар эбэтэр ТИК-ка аҕалан биэрллэр. Электроннай барыйааны талан Госуслуга, МФЦ нөҥүө эмиэ биэриэххитин сөп. Сайабылыанньалары балаҕан ыйын 14 күнүгэр диэри ылаллар.
Улууспутугар от ыйын 1 күнүнээҕи испииһэгинэн 16528 быыбардааччы баар, 31 быырадыыр учаастак үлэлиир.
Яина ВЛАСЬЕВА