Улуу Кыайыы 80 сылын көрсө уонна Аҕа дойду иккис сэриитин кыттыылааҕа, Сунтаар улууһун киэн туттар снайпер буойуна, Кыһыл Сулус бойобуой уордьан кавалера Егор Константинович Петров сырдык аатын үйэтитэн Сунтаар улууһун олохтоохторугар, спортсменнарыгар аналлаах салгын саатынан ытыы күөн күрэҕин торума:
Буолар сирэ, күнэ:
Ыам ыйын 4 күнэ, Дьаархан нэһилиэгэ. Сарсыарда 10:00 ч.
Күөн-күрэс ирдэбилэ:
— Бүк тутуллан иитиллэр, аһаҕас сыаллаах, ытар күүһэ 3 Джоултан кыра күүстээх салгын саатынан кыттар көҥүллэнэр.
— Күрэхтэһээччи бэйэтэ салгын саалаах, буулдьалаах, спортивнай таҥастаах, атаҕар кроссовкалаах буолара ирдэнэр. Олорон, сытан ытарыгар анал сыттыктаах тэлгиэлээх буолара көҥүллэнэр.
— Хас көрүҥ ахсын кыттааччы 500 солкуобай төлөөн кыттар. Хас көрүҥҥэ кыттарын күрэхтэһээччи бэйэтэ билэр.
Күөн күрэс көрүҥнэрэ:
— «Бэргэн ытыы» — кыттааччы үс балаһыанньаттан иккилии мүнүүтэҕэ — «М 8» мишени 10 ытар. Олорон, сытан, туран. Бастакы ытыы иннигэр — 3 бэрэбиэркэлиир ытыы көҥүллэнэр.
— «Снайпер» — бастакытынан кыттааччы 30 миэтэрэттэн сытан эрэ 1 мүнүүтэҕэ 5 ытыыны электроннай мишенҥэ ытар. Хас табыы ахсын мишенҥэ күөх уот умайар. Иккиһинэн кыттааччы 20 миэтэрэттэн тобуктаан олорон эмиэ бу мишенин 5 ытар. Үсүһүнэн кыттааччы туран эрэ 10 миэтэрэттэн 5 ытар.
— Күөн күрэс муҥутуур кыайыылааҕын быһаарар ытыылар. Күрэстэһээччи 10 миэтэрэттэн туран эрэ «тииҥ» мишени (улаханын) 3 ытан таба сатыахтаах, таппыт иккис эргииргэ ааһар. «Тииҥ» мишень «ортотун» 2 ытан таба сатыахтаах, таппыт үһүс эргииргэ ааһар. «Тииҥ» мишень «кыратын» биир ытыыннан таба сатыахтаах. Хас да киһи табар түгэнигэр — хос ытыы буолар кыайыылаах быһаарыллыар диэри.
Кыайыылаахтары быһаарыы:
— 1 көрүҥҥэ — кыттааччы үс балаһыанньаттан ытан ылбыт очкота биир уопсай түмүк биэрэр. Ким элбэх очукуолаах ол кыайар. Очукуо тэҥнэһэр түгэнигэр — «туран» ытан ылбыт очукуотун ахсаана быһаарар, онтон тэҥнэһии буоллаҕына «сытан», «олорон» ытыы очукуота.
— 2 көрүҥ — Ким элбэх табыылаах ол кыайар. Очукуо тэҥнэһэр түгэнигэр хос ытыы буолар. (1,2,3 миэстэни быһаарарга).
3 көрүҥ — кыайыылаах быһаарыллыар диэри. (тэрийээччи быһаарыытынан 15 м ыттарыан сөп).
Күрэхтэһээччилэр саастарынан арахсыылара:
1. Эр дьон 18-54, 55-тэн үөһэ, дьахталлар 18-49, 50-н сааһыттан үөһэ.
2. Оскуола оҕолоро 8 кылаастан үөһэ, уол, кыыс диэн арахсыыта суох.
Кыайыылаахтары наҕараадалааһын:
1 көрүҥҥэ бөлөхтөрүгэр кыайыылаахтар — туоһу суругунан, мэтээлинэн.
2 көрүҥҥэ бөлөхтөрүгэр кыайыылаахтар — туоһу суругунан, мэтээлинэн.
1, 2 көрүҥнэргэ ылбыт миэстэлэрин түмүгүнэн бастакы, иккис үһүс миэстэлээхтэр быһаарыллыахтара.
Кыайыылаахтар улууспут успуордун отдела (сал. Дь.Н.Егоров) туруорбут туоһу суруктарынан, мэтээллэринэн ону сэргэ сыаналаах бириистэринэн наҕараадаланыахтара.
3-с көрүҥҥэ — күрэс тэрийээччитэ туруорбут сыаналаах бирииһэ.Күрэхтэһиигэ Е.К.Петров сиэннэрэ, хос сиэннэрэ, « Снайпер» бу көрүҥҥэ урукку өттүгэр эһэтин аатын ааттатан, сыал ытыытын күрэҕин көҕүлээччи снайпер сиэнэ Николаев Валентин Николаевич дьиэ кэргэнэ анал бирииһэ туттарыллыаҕа, Куокуну нэһилиэгин дьаһалтата (баһылык Л.П.Михалев), Сунтаар улууһун — Аҕам саастаах дьоннорун сүбэтэ (салайааччы А.К.Васильев), улууспут Ытыы спордун федерацията( сал. М.А.Афанасьев.) «Булчут» мг. онтон да атыттар туруорбут сыаналаах бириистэрин тутуохтара.
Ытыы успуордун улууспут олохтоохторугар күүһүрдэр сыалтан — оскуола оҕолоругар олорон эрэ ытыы киирдэ. Икки мүнүүтэҕэ 10 ытыы.
Ким күүстээх бэлэмнээх, кыраҕы харахтаах, хамсаабат илиилээх — ол кыайдын!
Тэрийэр сүбэ