Улуустааҕы тыа хаһаайыстыбатын управлениетын үлэһиттэрэ анал байыаннай дьайыыга сылдьар уолаттарбытыгар анаан 100-түү устуука ынах уонна сылгы этиттэн кэнсиэрбэ оҥорон ыытаары бэлэмнииллэр. Ол курдук Тойбохойдооҕу МУП “Хочо” тэрилтэттэн, Сунтаар улууһун сайыннарар Фонда көмөтүнэн 50 кг ынах, 50 кг сылгы этин атыылаһан ылан, кыра гына кырбаан, Күндэйэҕэ Сергей Еремеев дириэктэрдээх «Тускул» кэпэрэтиипкэ илдьэн буһардылар. Үлэһиттэр байыаннай дьайыыга кыттыыны ылар биир дойдулаахтарыгар көмөлөһөргө бары күүһү уураллар, хайа да түгэҥҥэ илиилэрин утары ууналлар. Маннык кэнсиэрбэлэммит эти номнуо 3-с төгүлүн ыыталлар. Онон, сотору улуус дьаһалтатын дэлэгээссийэтэ байыастарга бэйэ дойду аһын, малын-салын тиксэрэр сыаллаах айаҥҥа турунуо.
Елизавета ТИТОВА