Тохсунньу 16 күнүгэр, СӨ үтүөлээх деятелэ, СӨ норуотун хаһаайыстыбатын үтүөлээх үлэһитэ, учуонай, Сунтаар уонна Таатта улууһун бочуоттаах олохтооҕо, ЯГСХА бочуоттаах профессора Иван Афанасьевич Матвеев аатынан “Жизнь, прожитая для народа” өрөспүүбүлүкэтээҕи научнай-практическэй кэмпириэнсийэ буолан ааста.
Кэмпириэнсийэҕэ барыта 117 үлэни көрдүлэр. Олор истэригэр кэтэхтэн үлэлэри эмиэ сыаналаатылар. Ол курдук, Сунтаар, Ньурба, Бүлүү, Кэбээйи, Таатта, Амма, Уус Алдан, Мэҥэ Хаҥалас, Орто Халыма, Эбээн Бытантай, Муома, Эдьигээн улуустарыттан уонна Дьокуускай, Москуба куораттан тиийэ кытыннылар. Барыта 5 хайысхаҕа тарҕаһан үлэлэрин көмүскээтилэр. Биһиги оскуолабытыттан “Жизнь и деятельномсть И.А.Матвеева” диэн бастакы хайысхаҕа Кэскил Прокопьев, 8 кылаас үөрэнээччитэ 2-с миэстэ, «Охрана природы. Рациональное использование сельскохозяйственных ресурсов” диэн үһүс хайысхаҕа Анжелика Слюсарь, 8 кылаас үөрэнээччитэ 3-с миэстэ, “Сельское хозяйство Севера: прошлое, настоящее, будущее» диэн төрүс хайысхаҕа Анастасия Николаева, 11 кылаас үөрэнээччитэ 1-кы миэстэ буоллулар.
Оскуола бэтэрээн учуутала Людмила Ивановна Игнатьева, кэмпириэнсийэ кэмигэр «Маяки сельского хозяйства Партизанского отделения совхоза Эльгяйский» быыстапканы тэрийэн ыытта. Кэмпириэнсийэ кыттыылаахтара тыа хаһаайыстыбатын туһунан интириэһинэй матырыйааллары билистилэр. Ити курдук, Иван Афанасьевич Матвеевка аналлаах тэрээһин үрдүк таһымҥа буолан ааста.
Семенова Анисия, А.П. Павлов аатынан
Сунтаар бастакы нүөмэрдээх орто оскуола 10 «а» үөрэнээччитэ