Сэбиэскэй сойуус бырааттыы норуоттара иккис Аан дойду сэриитигэр фашисткай Германияны урусхаллаабыт Улуу Кыайыытын 80 сыллаах үбүлүөйүн бэлиэтиирбит бу чугаһаан иһэр. 1941-1945 сс. Саха сириттэн 62509 киһи сэриигэ ыҥырыллыбыта, ол иһигэр дьахтара – 418.
Улуу Кыайыы фронт уонна тыыл холбоһуктаах күүстэринэн элбэх сиэртибэлээх ситиһиллибитэ. Сунтаар улууһуттан 2756 ыччат сэриигэ ыҥырыллан, саа-саадах тутан өстөөҕү утары сэриигэ туруммута. Сэрии сылларыгар 1664 хорсун хоодуот саллааппыт Ийэ дойдубут көҥүлүн, тутулуга суох буоларын туһугар сырдык тыынын толук уурбута, тыылга 4,5 тыһыынча кэриҥэ киһи хоргуйууттан, араас ыарыыттн олохтон туораабыта. Сунтаар улууһа 1418 күннээх-түүн тохтоло суох барбыт сэрии түмүгэр Саха сирин саамай элбэх сүтүктээх улууһунан биллэр. Улуус олохтоохторо «Тугу барытын фроҥҥа» диэн ыҥырыынан салайтаран, фроҥҥа харчынан, аһылыгынан, таҥаһынан, көмүһүнэн күүстээх көмөнү оҥорбуттара.
Билиҥҥи бириэмэҕэ Украина фашистарын уонна Арҕаа дойдулар, Америка сэрииһимсэх наемниктарын кытта байыаннай дьайыыга улуус ыччата баҕа өттүлэринэн Ийэ дойдуларын көмүскүү сылдьаллар, дойдуларын туһугар олохторун толук уураллар. Улуус дьоно-сэргэтэ Арассыыйа Дьоруойдарынан Дмитрий Егоровынан, Филипп Евсеевынан киэн туттар.
Үбүлүөйдээх Улуу Кыайыыбыт 80 сылыгар улуус олохтоохторо түмсүүбүтүн көрдөрөн, хорсун буойуттарбыт ааттарын үйэтитэргэ Албан аат искибиэрин, нэһилиэктэргэ баар Аҕа дойду сэриитин кыттыылаахтарыгар анаммыт өйдөбүнньүктэр өрөмүөннэригэр уонна буола турар анал байыаннай дьайыы кыттыылаахтарыгар өйдөбүнньүк оҥорорго улууска үлэлии турар «Кыайыы-75» пуондаҕа харчынан биир кэмнээх көмө оҥороргутугар ыҥырабыт. Ол курдук, үлэлээбэт биэнсийэлээхтэр 500 солк., үлэлээх биэнсийэлээхтэр, тэриллиилээх хаһаайыстыбалар, тэрилтэлэр үлэһиттэрэ, урбаанньыттар 1000 солк. итэҕэһэ суох үбү пуондаҕа угаргытыгар көрдөһөбүт.
Счет нүөмэрэ:
Наименование: Молодежная общественная организация Сунтарского улуса (района) «Будущее Сунтара»
Председатель: Иванов Василий Русланович
ИНН: 1424990025
ОГРН: 1131400000764
КПП: 142401001
Банк: АКБ «Алмазэргиэнбанк» АО г. Якутск
БИК: 049805770
Кор/счет: 30101810300000000770
Расч/счет: 40703810700030000135
Наименование счета: фонд «Победа-75».
Юр. Адрес: 678290, Республика Саха (Якутия), Сунтарский улус, с. Сунтар, пер. Д.Данилова, д.3
E-mail: huntaar.hassynnyta@mail.ru
Поручение копиятын улуустааҕы бэтэрээннэр Сэбиэттэригэр тиксэрэргитигэр көрдөһөбүт.
Афанасий ВАСИЛЬЕВ,
улуус бэтэрээннэрин сэбиэтин
бэрэссэдээтэлэ