Бүгүҥҥүттэн биһиги улууспутугар СӨ Бырабыыталыстыбатын бэрэссэдээтэлэ Андрей Тарасенко оробуочай сырыыта саҕаланна. Бастакы күн кини Аллыҥа, Тойбохой, Кириэстээх нэһилиэктэригэр сырытта.
Ол курдук Аллыҥаҕа кини «Ал-Су» кэпэрэтиип оттуур ходуһатыгар сылдьан, үлэ хаамыытын көрдө. Тойбохойго «Тойбохой» кэпэрэтиип уотурба астыыр сыаҕын үлэтин хамнаһын көрдө. Үлэһиттэри кытта кэпсэттэ.
Онтон Кириэстээххэ быйылгыттан тутуута саҕаламмыт култуура дьиэтин көрдө. Манна кини Үлэ дьоруойа Владимир Михайловы кытары көрсөн кэпсэттэ. Көрсүһүүгэ кини Владимир Африкановиһы кулууп дьиэтин бастакы этээһин тутуута кэлэр сылга түмүктэниэҕэ диэн эрэннэрдэ. Салгыыта үп көһүннэр эрэ үлэ салҕанан барыаҕа диэтэ. Түмүгэр кинини кытта көрсө кэлбит дьону кытта хаартыскаҕа түстэ.
Ааптар: Гаврил Андреев