Бэс ыйыгар Арассыыйа күнүн көрсө дойду Ис дьыалатын министиэристибэтэ полиция үлэтин сырдатар, суолталыыр сыаллаах ИДьМ бары салааларыгар тэттик видео-ролигы оҥорор сорудаҕы биэрбитэ. Саха сирин ИДьМ-а бу үлэни Сунтаар Ис дьыалатын отделыгар эрэммитэ. Манна биир дойдулаахтарбыт Радомир Сергеев, Тускулаана Горохова-Кобельянова, Альбина Прокопьева уонна олохтоох дьон көмөлөрүнэн саха участковайын үлэтин сырдатар видео оҥоһуллубута. Ол үлэлэрэ улаханнык биһирэннэ. Манна үлэлэспит дьону Ис Дьыала отделын анал мунньаҕар ыҥыран, махтал суругунан бэлиэтээтилэр. Мунньах бу үөрүүлээх чааһыгар ДПС иниспиэктэрэ Максим Жирков, участковай Владислав Владимиров младшай лейтенант званиелары тутан үөрдүлэр.
Сунтаар сонуннара» хаһыат