Кириэстээх нэһилиэгэр былырыыҥҥыттан 150 миэстэлээх култуура дьиэтэ тутулла турар. Бу күннэргэ манна туруохтаах баһаарынай уу кутар резервуар турар миэстэтин оҥорууга үлэ саҕаланна. Бу туһунан Кириэстээх нэһилиэгин телеграм канала суруйар.
Санатан этэр буоллахха, бу эбийиэк дойду бэрэсидьиэнэ Владимир Путин көҕүлээбит «Култуура» национальнай бырайыак чэрчитинэн тутуллар. Нэһилиэккэ дьон сынньанар, дьарыктанар сирин – кулууп тутуутун Арассыыйа Үлэ Дьоруойа Владимир Михайлов дойду бэрэсидьиэнин кытары көрсүһүүтүгэр туруорсубута.
Яина Власьева