Биһиги улууспут үгүс нэһилиэгэр үтүө санаалаах дьон-сэргэ, тэрилтэлэр анал байыаннай дьайыыга сылдьар байыастар дьиэ кэргэттэригэр көмө оҥороллор. Ол курдук Күүкэй олохтоох дьаһалтатын үлэһиттэрэ уонна эдэр ыччата СВО кыттыылааҕын огдооботугар оттук саһаанын тиэйэн, хайытан, туруоран көмөлөстүлэр. Бастакы күн нэһилиэк эр дьоно саһааны тиэйдилэр. Иккис күнүгэр дьаһалта эдэр ыччатын исписэлииһэ Артур Романов салайыытынан тиэйэн киллэрбит саһааннарын бары көмөлөөн түргэнник хайытан, туруоран биэрдилэр. Инникитин даҕаны маннык көмө тэрээһин ыытылла туруо диэн нэһилиэк дьаһалтата бэйэтин тг-каналыгар иһитиннэрэр.
Гаврил АНДРЕЕВ.
Хаартыскалар «Сарыада» СКЦ Вконтакте страницатыттан ылылыннылар.