Улуу Кыайыы 80 сылын көрсө, дойдуга бэриниилээх буолуу сылларын чэрчитинэн бэҕэһээ Кириэстээх олохтоох бибилэтиэкэтэ оскуола түмэлин кытта холбоһуктаах «Военная реликвия моей семьи» тиэмэлээх быыстапканы туруорда.
Тэрээһин сыала үүнэр көлүөнэ ыччакка дойдуга бэриниилэх буолуу өйү-санааны, дьиэ кэргэн устуоруйатын туһунан билсиһии уонна билии нөҥүө тириэрдии буолар.
Быыстапкаҕа Аҕа дойду сэриитин кыттыылаахтарын маллара, чугас дьонноругар, аймахтарыгар суруйбут суруктара, ол кэмнээҕи хаартыскалар бааллар.
Тэрээһиҥҥэ сылдьыбыт оскуола үөрэнээччилэрэ сэбиэскэй саллааттар дьоруойдуу быһыыларын, тутта сылдьыбыт малларын сэргии, сөҕө көрдүлэр.
Быыстапка сиэр-майгы сыаннастарын бөҕөргөтүүгэ уонна дойду историческай нэһилиэстибэтигэр ытыктабылы үөскэтиигэ көмөлөһөрө саарбаҕа суох.
Алена ИВАНОВА