Улуус үөрэҕин тэрилтэтин үлэһиттэрэ духуобунай уонна култуурунай сайдыыларыгар, үлэ кэлэктииптэрин айымньылаах үлэҕэ көҕүлүүр уонна өйүүр сыалтан, СӨ профсоюзтарын федерациятын балаһыанньатыгар олоҕуран, уус-уран айымньы бэстибээлэ буолан ааста. Бу бэстибээл «Славим дружбой и трудом край Олоҥхо!» девиһинэн барда. Кэтэхтэн ыытыллыбыт күрэскэ Сунтаар улууһун үөрэҕин тэрилтэлэрин кэлэктииптэрин профсоюһун 200 чилиэнэ кытынна диэн улуустааҕы үөрэх үлэһиттэрин профсоюһун бэрэссэдээтэлэ Нина Павлова иһитиннэрдэ.
Куоҥкурус алта номинациянан ааста. Ол курдук, номинацияларга кыайыылаахтарынан буоллулар: «Ырыа» номинацияҕа Бордоҥ оскуолатыттан «Күбэйэ» ансаамбыла, “Үҥкүү” номинацияҕа Күндэйэ оскуолатын фольклорнай ансаамбыла, «Инструмеҥҥа толорууга” Элгээйи оскуолатын кэлэктиибэ, “Фольклор” көрүҥэр Күндэйэ оскуолатын фольклорнай ансаамбыла, “Кэпсэтии” көрүҥэр Элгээйи оскуолатыттан эр дьон ансаамбыла, «Ураты көрүҥҥэ” Элгээйи оскуолата бастыҥ ааты ылла. Онтон муҥутуур кыайыылааҕынан П. Х. Староватов аатынан Элгээйи орто оскуолатын “Сомоҕо» профсоюһа буолла. Иккис миэстэни Л.Попов аатынан Арыылаах агротехнологическай орто оскуолатын кэлэктиибэ ылла. Онтон үһүс миэстэни Б.Н. Андреев аатынан «ЭРМЭЦ» эбии үөрэхтээһин тэрилтэтэ ылла.
Кыттыбыт бары кэлэктииптэр профсоюзнай муннугу атыылаһыыга сертификатынан наҕараадаланнылар.
Алена ИВАНОВА