Бэҕэһээ Бүлүүчээннээҕи лиссиэй-интэринээккэ сыл аайы ыытыллар, 11-с кылаас үөрэнээччитэ Максимов Егор көҕүлээһининэн, икки бөлөҕүнэн дуобат күрэҕэ буолан ааста.
Улахан уолаттарга бастакы миэстэни Максимов Егор ылла. Максимов Кеша иккис, Герасимов Саша үһүс миэстэлээхтэр. Улахан кыргыттарга I м. -Чомчоева Уйгууна, II м. — Маганнырова Лена, III м. — Понохова Сара. Кыра бөлөххө Егоров Сергей бастакы, Алексеева Настя иккис, Глухарёва Айта 878с миэстэ буоллулар. Круговой оонньуу кыайыылааҕа -Максимов Егор, иккис миэстэни Чомчоева Уйгууна, үһүс бочуоттаах миэстэҕэ Егоров Сергей таҕыстылар. Оттон кыайыы кубогын былырыыҥҥы чөмпүйүөн Спиридонов Айсен туттарда. Тэрээһиммит олус сэргэхтик ааста, үөрэппит, уһуйбут, өйөөбүт учууталларыгар Данилова Надежда Васильевнаҕа, Чомчоева Сайыына Васильевнаҕа оҕолор махталларын тиэртилэр.
Оттон бүгүн хаатыҥкалаах футбол күрэһэ буолан ааста. Күүстээх тыҥааһыннаах киирсиигэ үс тэрилтэ күөн күрэстэстэ.
Оонньуу түмүгүнэн МПЧ хамаандата бастаата, лиссиэй хамаандата иккис, үһүс олохтоох хамаандата буоллулар. Барыларыгар итии-истиҥ эҕэрдэ.
Дьэ бу курдук, биһиги нэһилиэкпитигэр дьону успуорка көҕүлээн бэрт интэриэһинэй күрэхтэһиилэр ыытылыннылар.
Айталина МИХАЙЛОВА