Уоту туһаныы кээмэйин диапазоннара

РФ Бырабыыталыстыбытын уурааҕар олоҕуран, Саха Өрөспүүбүлүкэтин сиригэр-уотугар электричество уотунан туһанааччыларга уонна онуоха сыһыаннаах категорияларга уоту туһаныы кээмэйин диапазона СӨ Сыана бэлиитикэтин кэмитиэтин 10.12.2024 с. 239 №-дээх уурааҕынан бигэргэтиллибитэ.

Быйылгыттан уоту туһаныы иһин нэһилиэнньэ хайдах туттубутунан төлуур буолуоҕа. Ол курдук, төлөбүрө 3 диапазоҥҥа араардылар.
Уотунан ититиитэ суох уонна киниэхэ тэҥнээх туһанааччыларга:
Бастакы диапазона – 1200 кВт., чааска диэри ыйга.
Иккис диапазон – 1201 кВт., чаастан үөһэ 1845 кВт., чааска диэри ыйга.
Үһүс диапазон – 1846 кВт., чаастан үөһэ буолаҕына.

Уотунан ититиилээх уонна киниэхэ тэҥнээх дьиэлээх дьоҥҥо:
Бастакы диапазон – 3900 кВт., чаастан аллараа туттубуттарга.
Иккис диапазон – 3901 кВт., чаастан үөһэ 6000 кВт., чааска диэри туттубуттарга.
Үһүс диапазоҥҥа киирсэр – 6001 кВт чаастан үөһэ туттааччыларга.

Холобур, уотунан ититинэр дьиэлээх дьон кыһыҥҥы кэмҥэ бойлер счетчига ыйдааҕы көрдөрүүтэ 3900 кВт чаастан үөһэ тахсыбатах буоллаҕына бастакы диапазон көрдөрүүтүнэн бигэргэммит тарыыбынан төлүүр, счетчик көрдөрүүтэ иккис уонна үһүс диапазоннары ааспыт буоллаҕына, онно олоҕуран ороскуоту төлүүр буолабыт. Оттон сайын от ыйыттан атырдьах ыйын киллэрэн туран 1200 кВт чааска туттуллар диапазонунан учуоттанар буолуоҕа.
Аны туран бытовой уоту уонна бойлер счетчигын көрдөрүүтүн тус туспа учуоттаан ити үөһэ этиллибит «Уотунан ититиитэ суох уонна киниэхэ тэҥнээх туттааччыларга» уонна «Уотунан ититиилээх уонна киниэхэ тэҥнээх дьиэлээх дьоҥҥо» диэнтэн биирдэстэригэр хапсыахпытын сөп.

Бу диапазоннарга счетчик көрдөрүүтэ улахан оруолу ылар. Онон ыйдааҕы счетчик көрдөрүүтүн уһаппакка ый 20 күнүттэн 25 күнүгэр диэри ый аайы Энергосбыкка этэн иһиллиэхтээх, тоөо диэтэххэ биир ыйдааҕы ороскуоппутун кэмигэр көрдөрбөтүбүт даҕаны тута анал бырагыраама көрүллүбүт нормативынан ааҕар уонна компьютерга киллэрэр. Дьэ оччоҕо аныгыскы төлөөһүммүтүгэр үрдүҕкү тарыыбынан — иккис эбэтэр үһүс диапазонунан төлүүр буолан хаалыахпытын сөп.

Бу диапазоннар элбэх оҕолоох ыал ахсааныгар киирэр ыалга оруолу онньооботтор.

Тимур ИВАНОВ,  Саха Өрөспүүбүлүкэтин тарыыпка агенствотын Сунтаардааҕы агена