Улуу Кыайыы күнүн көрсө Сунтаар нэһилиэгин Аҕа дойду сэриитин тыыл, үлэ бэтэрээннэрин, огдооботун, сэрии тулаайахтарын нэһилиэк баһылыга Эдуард Филиппов аатыттан махтанан, сүгүрүйэн туран, олохтоох дьаһалта үлэһиттэрэ, нэһилиэк Сэбиэтин депутаттара, Сунтаардааҕы лиссиэй, Сунтаардааҕы 1-кы уонна 3-с нүөмэрдээх оскуолалар, Сунтаардааҕы колледж үөрэнээччилэрэ эҕэрдэлээтилэр.
Ытыктыыр дьоммут, күндү бэтэрээннэрбит! Эһигини өссө төгүл Аҕа дойду сэриитигэр Кыайыыны ситиспиппит 79-с сылын көрсөр өрөгөйдөөх күнүнэн итиитик-истиҥник эҕэрдэлиибит. Баҕарабыт чэгиэн туругу, этэҥҥэ буолууну.
Сунтаар нэһилиэгин олохтоох дьаһалтата.