Олунньу бүтэһик нэдиэлэтигэр Аҕа дойдуну көмүскээччилэр күннэригэр аналлаах оскуолаҕа киириэн иннинээҕи саастаах уолаттарга улуустааҕы «Уолан ааҕыы» күрэс буолан ааста. Күрэһи Сунтаардааҕы 2 №-дээх «Сардаана» оҕону сайыннарар киин уонна улуус үөрэҕириитин салаата иилээн-саҕалаан ыыттылар.
Күрэскэ улуус уһуйааннарыттан 147 уол кытынна. Уолаттар ааҕыыларын үөрэҕирии салалтатыттан оскуолаҕа киириэн иннинээҕи саастаах оҕолору кытта үлэлиир салаа салайааччыта Михайлова М.В., исписэлиистэр Михайлова А.В., Павлова Н.С., киин библиотека улэһиттэрэ Спирова М.Е., Павлова Р.Н, 3 № оскуола алын кылааһын учуутала Кушатова Ф.Ю, «Сардаана» оҕо сайдар киинин улэһиттэрэ Софронова В. Э Спиридонова А. А., Попова М.Л. сыаналаатылар.
Күрэс 3 бөлөҕүнэн сыаналанна. Балаһыанньа ирдэбилинэн уолаттар, патриотическай иитиигэ, төрөөбүт дойдуннан киэн туттууга, дьиэ кэргэҥҥэ аналлаах иитээччи Алена Лукина «Оҕо саас» хомуурунньугар киирбит хоһооннору ааҕан иһитиннэрдилэр. Дьүүллүүр сүбэ сыанабыла маннык таҕыста:
3-4 саастаах уолаттарга: 1 үрдэл – Иванов Даниил (Маар Күөл, «Кэнчээри» уһуйаан), 2 үрдэл – Федотов Урсун (Сунтаар, «Сардаана» оҕо сайдар киинэ),
3 үрдэл – Красков Эльдар (Бордоҥ, «Хатыҥчаан» уһуйаан).
Айымньы ааптара Лукина А. А. анал бирииһинэн Федоров Юрьян (Сунтаар, «Солнышко» оҕо сайдар киинэ) наҕараадаланна.
5-6 саастаах уолаттарга: 1 үрдэл – Борисов Айхал (Сунтаар, «Туллукчаан оҕо сайдар киинэ), 2 үрдэл – Поротов Дамир (Элгээйи, «Елочка» уһуйаан), 3 үрдэл – Додутов Арсений (Сунтаар, «Березка» уһуйаан).
Айымньы ааптара Алена Лукина анал бирииһинэн Исаев Даниил (Сунтаар, «Туллукчаан оҕо сайдар киинэ) наҕараадаланна.
6-7 саастаах уолаттарга: 1 үрдэл – Заровняев Арылхан (Сунтаар, «Ньургуһун» оҕо сайдар киинэ), 2 үрдэл – Спиридонов Коля (Сунтаар, «Ньургуһун» оҕо сайдар киинэ), 3 үрдэл – Тарасов Кирилл (Сунтаар, «Сардаана» оҕо сайдар киинэ).
Чахов Ваня (Элгээйи, «Елочка» уһуйаан) айымньы ааптарын анал бирииһинэн наҕараадаланна.
Дьүүллүүр сүбэ кыттааччылар айымньы ис хоһоонун сөптөөхтүк истээччигэ тиэрдибиттэрин, сөптөөх сценическай көстүүмнэрин, артыыстыыр дьоҕурдарын бэлиэтээтэ.
Улуустааҕы «Уолан ааҕыы» күрэһэр успуонсардаабыт урбаанньыттарбытыгар С.П. Гуляевка (ИП «Гуляев»), Н.Г. Львоваҕа («Корона» маҕаһыын), Е.В. Герасимоваҕа («Виктория» маҕаһыын) улахан махталбытын тириэрдэбит.
Уоланнарга аналлаах күрэс инникитин даҕаны ыытыллара былааннанар. Уолаттарбыт төрөөбүт тылларынан уус-уран айымньылары үөрэтэн күрэстэргэ кытта турдуннар, саҥа талааннар тахсан истиннэр.
Елена ИВАНОВА