Бүгүн, балаҕын ыйын 7 күнүгэр, Уйгулаах Угут Күөлгэ алгыс түстэниитэ уонна киэн туттар биир дойдулаахпыт Березин Семен Максимович үбүлүөйдээх күнүгэр анаан 60 хатыҥы Элгээйи орто оскуолатын боруогун аан маҥнай үктээбит маҥнайгы кылаас оҕолоро, быйылгы үөрэх дьылыгар оскуоланы бүтэрэрээччилэр Элгээйи нэһилиэгин аҕам саастаахтара, активистара, тэрилтэ салайааччылара, учууталлар, төрөппүттэр уонна ыҥырыылаах ыалдьыттар — Элгээйи нэһилиэгин араас кэмҥэ үрдүк таһаарыылаахтык үлэлээбит баһылыктара — Александр Николаевич Миронов, Александр Афанасьевич Друзьянов, Гаврил Леонидович Яковлев, Сунтаар улууһун нэһилиэктэрин баһылыктара, Семен Максимович бииргэ үөрэммит үөлээннээхтэрэ, табаарыстара буолан олортубут.
Хатыҥ мастары Б.Н.Андреев аатынан Айылҕа түмэлин коллектива түөрэн аҕалан, онтон олохтоох дьаһалта үлэһиттэрэ мастары олордор сирбитин хаһан, уу, буор аҕалан, оҕуруоттаан үүнээйилэрбит этэҥҥэ күүс-уох ылан үүнүөхтэрэ диэн эрэнэбит.
Анна ИВАНОВА