Учуутал уонна Иитээччи күннэригэр сыһыаран, Арассыыйаҕа Педагог уонна Аҕа сүбэһит сылынан Б.Н. Андреев аатынан Элгээйитээҕи Айылҕа түмэлэ П.Х. Староватов аатынан Элгээйи орто оскуолатын учууталларыгар уонна Элгээйитээҕи «Елочка» оҕо уһуйаанын иитээччилэригэр «Экоквест» оонньууну ыыттыбыт.
Уопсайа 7 хамаанда кытынна. Хамаанда биир аҕа сүбэһиттэн уонна биир педагогтан турда. 6 түһүмэхтээх «Экоквест» оонньуу түмүгэр саамай үрдүк баалы ыланнар, Евдокия Татаринова уонна Валерия Сафонова хамаандата эрэллээхтик кыайда. Күрэхтэһии түмүгүнэн бары кыттааччыларга минньигэс бириистэр, туоһу суруктар уонна Айылҕа түмэлин анал магнитиктара бэлэх туттарылыннылар. Кыттыбыт педагогтарга тэрийээччилэр ааттарыттан барҕа махталбытын этэбит уонна экологическай билиигитин хаҥаппыккыт буолуо диэн эрэнэбит.
Айылҕа түмэлин эбии үөрэх педагогтара