Алтынньы 9-10 күннэригэр Сунтаар 1 N-дээх оскуолатыгар сыл аайы ыытыллар улуустааҕы «Учитель года-2024» диэн учууталлар күрэстэрэ буолан ааста.
Бу күрэскэ уопсайа 11 бастыҥ учуутал, Сунтаар улууһун араас оскуолатыттан кытыннылар.
Ол курдук, Семен Васильев Сунтаар 3 N- дээх оскуолатыгар технология уонна ОБЖ учуутала, Наталья Григорьева Л.А Попов аатынан Арыылаах агротехнологическай хайысхалаах орто оскуолатын алын сүһүөх кылаас учуутала, Заморщикова Лия – А.П Павлов аатынан Сунтаар 1 N-дээх оскуолатыгар алын сүһүөх кылаас учуутала. Сааскылаана Ильина – А.К Акимов аатынан Күүкэй политехническай орто оскуолатын историяҕа уонна обществознаниеҕа учуутала, Александра Иванова – Г.Е Бессонов аатынан Тойбохой орто оскуолатын английскай тыл учуутала, Николаева Нюргуйаана М.Н. Анисимов аатынан Сиэйэ орто оскуолатын нуучча тылыгар уонна литературатыгар учуутала, Светлана Петрова – В.Г Павлов аатынан Сунтаардааҕы алын сүһүөх оскуолатын маҥнайгы категорялаах учуутала, Мария Саввинова — Куокуну орто оскуолатын маҥнайгы категориялаах учуутала, Вероника Тимофеева — Б.Г Игнатьев аатынан Дьарханнааҕы орто оскуолаҕа биология уонна химия учуутала, Анна Федорова – И.С Иванов аатынан Сунтаар 2 N-дээх орто оскуолаҕа нуучча тылын уонна литературатын учуутала. Наталья Усова – И.Г Спиридонов аатынан Кириэстээх орто оскуолатыгар биология уонна химия учуутала.
Күрэс 4 түһүмэхтээх этэ, ол курдук «урок ыытааһын», «үөрэнээччилэри кытта кэпсэтии», «маастар-кылаас», уонна «учууталга боппурос».
Күрэс түмүгүнэн «Профессионализм и мастерство» — Наталья Усова, «Педагогическая компетентность» — Светлана Петрова уонна «Педагогический дебют» Александра Иванова анал ааттары ыллылар.
Үһүс истиэпэннээх диплому Семен Васильев, оттон иккис истиэпэннээх диплому Наталья Григорьева уонна бастакы истиэпэннээх диплому Вероника Тимофеева ыллылар.
«Учитель года-2024» үрдүк ааты Сунтаар 2-с нүөмэрдээх орто оскуолатын нучча тылыгар уонна литературатыгар учуутала Анна Федорова ылла.
Дмитрий ЫМЫЧАНОВ