Алтынньы 4-7 күннэригэр Москваҕа тыа хаһаайыстыбатын “Золотая осень-2023” быыстапка-дьаарбаҥката тэрилиннэ. Манна биһиги өрөспүүбүлүкэбит дэлэгээссийэтэ көхтөөхтүк кытынна. Тыа хаһаайыстыбатын бородууксуйатын элбэтиигэ, саҥаны киллэриигэ уонна да атын көрүҥнэргэ Саха сирэ 48 мэтээли ылары ситистэ, ол иһигэр 28 кыһыл көмүс, 12 үрүҥ көмүс уонна 8 боруонса. Бу туһунан СӨ Тыатын хаһаайыстыбатын пресс-сулууспата иһитиннэрэр.
Кинилэр истэригэр племенной сүөһүнү иитиигэ үрдүк көрдөрүүтүн иһин “Ил-Тосхол” тыа хаһаайыстыбатын кээпэрэтиибэ иккис миэстэни ылан, үрүҥ көмүс мэтээл хаһаайына буолла. Ситиһиилэринэн кээпэрэтиип үлэһиттэрин эҕэрдэлиибит!
Яина ВЛАСЬЕВА