Наада буолар:
Сливочнай арыы 100 гр.,
Бурдук 180 гр.,
Какао 20 гр
Разрыхлитель 0,5 ч.нь.
Сымыыт 1 уст.
Саахарнай пудра 80 гр
Какаоны бурдукка сиидэлиибит, разрыхлитель уонна саахарнай пудра кутан булкуйабыт. Сливочнай арыыны, сымыыты эбэн илиибитинэн сымнаҕас тиэстэ буолуор диэри мэһийэбит (өскөтүн, тиэстэ арахсан бытарыйа сылдьар буоллаҕынан 1 ст.нь. тымныы уу эбэн биэрэбит). Тиэстэбитин салапааҥҥа уган 30 мүн. холодильникка туруора түһэбит. Ол кэннэ, бэлэм буолбут тиэстэнэн кыра бөкүнүктэри оҥорон, конус быһыылаан бичиэнньэлэрбитин астаабытынан барабыт. Үрдүн сиэккэ гына быһаҕынан хайа сотон биэрэбит. Оччоҕо бичиэнньэбит туораах быһыылаах буолан тахсар. 180 °C сылаас духуопкаҕа 10-15 мүн. буһара угабыт. Бичиэнньэ сойбутун кэннэ саахарнай пудра кутан киэргэтэбит.
Астыырга судургу уонна сымнаҕас шоколаднай бичиэнньэ бэлэм буолла, минньигэстик аһааҥ.
Елизавета ТИТОВА