Улуус кылаабынай бырааһа Анатолий Назаров тэрилтэ салайааччыларын бу нэдиэлэтээҕи сүбэ мунньахтарыгар улууска ОРВИ, ковид ыарыы туруктарын иһитиннэрдэ. Ол курдук, бүгүҥҥү туругунан, 237 киһи ОРВИлаабыт, ол иһигэр 61-рэ улахан киһи. Оттон 10 киһи ковидтаабытыттан балыыһаҕа 4-дэ эмтэнэ сытар. Эмтэнээччилэр ортолоругар биир оҕо баар эбит. “Ковид ыарыы сибикитинэн — температура үрдээһинэ уонна диарея” диэн улуус кылаабынай бырааһа этэр. Быраастар анаалыстаан, кэтээн көрүүлэринэн, бу ыалдьыбыт 10 киһи ааспыт өттүгэр (былырыын) ковиды утары быһыыны ылбатах.
Ыарыыттан көмүскэллээх буолар туһугар хас биирдии киһи бэйэтэ кыһаныахтаах. Онно, бастатан туран, тус гигиенаны тутуһуу киирэр. Бырааска көрдөрүммэккэ, бэйэ эмтэниитэ ханнык баҕарар ыарыыны баалатыыга тириэрдэрин билэбит. Чөл-чэбдик олоҕу тутуһуу – доруобай буолуу төрдө.
Доруобуйаны көрүнэ сылдьыаҕыҥ!
Яина ВЛАСЬЕВА