«Информационнай инфраструктура» федеральнай бырайыак чэрчитинэн Саха сиригэр тыа сиригэр 100-500 нэһилиэнньэлээх пууннарга мобильнай 4G Интэриниэти холботууга Сунтаар улууһун 4 нэһилиэгэ киирбитэ. Олортон аҕыйах хонуктааҕыта Туойдаах уонна Хадан нэһилиэктэрэ түргэн тэтимнээх мобильнай ситимҥэ холбонор дьоро күннэрин үөрэ-көтө бэлиэтээбиппит.
Бүгүн, сэтинньи 1 күнүгэр, бу дьоро түгэн Толоон нэһилиэгин олохтоохторугар тосхойдо! Бу үөрүүлээх түргэн тэтимнээх «Ростелеком» интэриниэттээх Теле2 оператордаах суотабай сибээскэ холбонуу тэрээһинигэр олохтоохтор тоҕуоруһа муһуннулар. Сибээс вышкатын туруорууга үлэлээбит биригээдэ уолаттара бу күн ыалдьыттарынан буоллулар. Мустубут дьону нэһилиэк баһылыга Андрей Павлов эҕэрдэлээн көрүстэ. Улуус баһылыга Анатолий Григорьев саҥа киирбит Теле2 ситиминэн сибээскэ тахсан, олохтоохтору бу үөрүүлээх күннэринэн эҕэрдэлээтэ, үлэҕэ-хамнаска ситиһиилэри баҕарда.
Толоон нэһилиэгин олохтоохторугар сайдыы биир кэрдиис суолугар — суотабай ситимигэр — холбоммуккутунан эҕэрдэ буолуохтун.
«Сунтаар сонуннара» хаһыат.
Анатолий Павлов хаартыскаҕа түһэриитэ.