Олунньу 28 күнүгэр, «Партизан» норуот айымньытын театральнай киинигэр «Төрүт дорҕоон-2025» Cаха төрүт үгэстэрин үгүс көрүҥнэригэр, фольклорнай улуустааҕы күрэс ытылынна.
Бу күрэс «Партизан» норуот айымньытын театральнай киинин иһинэн тэриллибитэ 4 сыл ааста, бастакытын 2020 сыллаахха ыытыллыбыта. Күрэскэ кыттар дьон сыл аайы элбээн иһэллэр, ол курдук бастакытын ыытылларыгар 60-ча киһи кыттыбыт буоллаҕына, быйыл 400-чэ кыттааччы суруттарбыт.
2022 сыллаахха «Партизан» норуот айымньытын театральнай киинэ Дьокуускай куоракка буолбут “Наше наследие” диэн өрөспүүбүлүкэтээҕи күрэскэ кыттан 3-c үрдэли ылбытыгар 150 тыһ. солк. бырайыаак тэрийэргэ грант ылбыттара. Гранты бу «Төрүт дорҕоон-2025» күрэс тэрийэргэ туһаммыттар. Ол курдук, быйыл призовой фондата 130 тыһ. солк. буолла.
Бу билиҥҥи кэмҥэ элбэх оскуола оҕолоро кылааһынан кыттар буолбуттар, уонна нэһилиэкпитигэр олус элбэх саҥа талааннар элбээбиттэрин көрөн наһа астынабыт.
Салгыы даҕаны бу «Төрүт дорҕоон», сайдан өссө киэҥ эйгэҕэ тахса биһирэнэ туруо диэн эрэнэбит. – диэн тэрийээччи уонна дьүүллүүр сүбэ чилиэнэ Айсен Федоров иһитиннэрэр.
Дмитрий ЫМЫЧАНОВ