Бүгүн, сэтинньи 4 күнүгэр, Тэҥкэҕэ Сомоҕолоһуу күнүгэр ППМИ тосхолунан нэһилиэккэ саҥардыллыбыт киирии аартык үөрүүлээх аһыллыыта буолла.
Аншлагы Ымыына Игнатьева бырайыагынан оҥордулар. Бу күн сахалыы сайбаччы таҥнан кэлэн Тэҥкэ нэһилиэгин олохтоохторо түмсүүлээхпитин көрдөрдүбүт. «Дьоҕур» далбар хотуттар түмсүүлэригэр, ону тэҥэ аншлаг аһыллыытыгар алгыс тылларын анаабыт Людмила Пустоляковаҕа, Наталья Эконоваҕа нэһилиэк дьаһалтатын аатыттан махталбын биллэрэбин.
Саҥа тутуу нэһилиэккэ биир кэрэ көстүүлээх сиринэн буолла.
Николай ЛИДОЧЕН
