Сунтаар нэһилиэгин олохтооҕо Александра В. кэргэнэ уонна уола анал байыаннай дьайыы буола турар сиригэр сылдьаллар. Ааспыт субуотаҕа Сунтаардааҕы гимназия 9-с кылааһын үөрэнээччилэрэ көмө оҥорбуттарыгар үөрүүтүн үллэстэр.
Сунтаардааҕы гимназия учууталлара Гаврил Андреевич уонна Марина Леонидовна 9-с кылаас уолаттарын кытта маспытын хайытан өссө сааһылаан биэрдилэр. Түргэн-тарҕан туттуулаах, сүрдээх күүстээх оҕолор, үөрэх кэннэ кэлэн үлэлээн барбыттара биһиэхэ улахан көмө буолла! Баһылайаптар дьиэ кэргэннэрин ааттарыттан барҕа махталбытын тириэрдэбит, үтүө санааҕыт эһиэхэ элбэх үтүөнэн төнүннүн! Чэгиэн-чэбдик туруктаныҥ, үөрүү-көтүү аргыстаныҥ!
Дмитрий ЫМЫЧАНОВ