Сунтаардааҕы Ис дьыала уорганын суолга сэрэхтээх буолуу сулууспатын үлэһиттэрэ суоппардарга өйдөтүү-сэрэтии үлэтин ыыталларын тэҥэ, кэрэ аҥаардарга сибэкки дьөрбөтүн бэлэх уунан үөрдэллэр.
Маннык аахсыйаны аан дойду дьахталларын күнүгэр анаан ыыттылар. Суоппар кэрэ аҥаардарга сибэкки дьөрбөтүн, суолга сэрэхтээх буолуу буклетын түҥэттилэр. Аахсыйа сарсыарда федеральнай трассаҕа ыытылынна. Бу күн суоппар кэрэ аҥаардар бары суол быраабылатын тутуһаллара көһүннэ. Бары ременнэрин, уоттарын холбоон айанныыллар диэн ГАИ инспектордара этэллэр.
Сатыы сылдьар кэрэ аҥаардар формалаах уолаттартан сибэкки тутан эмиэ үөрдүлэр.Кэ рэ аҥардар кыраттан да үөрэллэр.
Бары аҥаардары маҥнайгы сааскы бырааһынньыгынан эҕэрдэлиибит.
Мира АФАНАСЬЕВА