Суолга сэрэхтээх буолуу аахсыйата

Саҥа дьыл сүпсүлгэнин саҕана барыы-кэлии, айан үксүүр. Бу кэмҥэ суоппардар, сатыы сылдьар дьон суолга-иискэ болҕомтолоох буолаллара ирдэнэр.

Бүгүн Сунтаардааҕы ГАИ сулууспатын көҕүлээһининэн, Сунтаарбыт киин уулуссатыгар “Внимание дети!”, “Полицейский Дед мороз” бүтүн Арассыыйатааҕы ИдьМ тэрийэр аахсыйата ыытылынна. Аахсыйа сыала-соруга саҥа дьыллааҕы бырааһынньыктар кэмнэригэр суолга тахсар саахалы намтатыы, суоппардарга оҕону массыынаҕа тиэйии быраабылатын туһунан өссө төгүл санатыы буолар.

Кырачаан пассажирдарга Тымныы оҕонньор уонна Хаарчаана суол быраабылатын билиһиннэрэн туран минньигэс бэлэхтэрин туттардылар. Саҥа дьыл аптаах түгэнэ тосхойон айанньыттар астыннылар.

Суолга сэрэхтээх буолуу, быраабыланы тутуһуу туһунан сатыы сылдьааччы да, уруулга да олорор киһи өрүү өйдүөхтээх. Суол бары кыттыылаахтарын суол быраабылатын тутуһан, болҕомтолоохтук, сэрэхтээхтик, бэйэ-бэйэни убаастаһан сылдьыҥ диэн ынырабыт.

Алена ИВАНОВА

 

Читайте дальше