Бүгүн «Экстра-Синема» хампаанньа технологиятынан Сунтаар улууһун түөрт нэһилиэгэр киинэ саалалара арылыннылар. С.А.Зверев-Кыыл Уолун аатынан УНАК куйаар ситиминэн быһа холбонуу нөҥүө Ил Дархан Айсен Николаев өрөспүүбүлүкэбит үрдүнэн 40 киинэ саалаларын тэҥҥэ арыйда. Бу күн Сунтаарга С.А.Зверев-Кыыл Уолун аатынан норуот айымньытын киинигэр, Тойбохойго, Бордоҥҥо, Кутанаҕа култуура дьиэлэригэр киинэ саалалара арылыннылар. Быһа холбонуу кэмигэр Ил Дархан Айсен Николаев: «Саха сириттэн саҕыллыбыт бырайыак Арассыыйа атын эригийиэннэригэр эмиэ тарҕаныаҕа» диэн эттэ. Петр Чиряев «Экстра-Синема» хампаанньа генеральнай дириэктэрэ Хаҥалас улууһуттан Төхтүр нэһилиэгиттэн быһа холбонуутугар: » Биһиги хампаанньа көмөтүэн биир кэмҥэ 40 киинэ саалалара тэҥэ холбоммуттара ханна да буола илик» диэтэ. Салгыы «Пуск» кнопканы баттаан бары киинэ саалалара тэҥҥэ холбоннулар. Киинэ саалаларын арыллыытыгар кэлбит көрөөччүлэр быһа холбонуу нөҥүө атын улуустары улахан экраҥҥа көрөн олордулар. Онтон «Кыталыктаах кырдалым» диэн сахалыы киинэни босхо көрдөрүү буолла.
Мира АФАНАСЬЕВА
