Кыра оҕо үөнү-көйүүрү, кыылы-көтөрү тутан-хабан көрөрүн ордорор.
Сунтаарга бу күннэргэ контактнай зоопарк арылынна. Оҥоччу көрбүт хоруолуктары, түргэн үлүгэрдик сүүрэр күтэрдэри, чараппаахылары, таракааннары Сунтаарга илэ көрүөххэ, өссө тыытан-тутан ылыахха сөп буолла.
Кыылы-көтөрү, үөнү-көйүүрү сөбүлээн көрөр-харайар эдэр ыаллар Арина Акимова, кэргэнэ Мирослав Яковлев маннык умсугутуулаах зоопарканы Сунтаарга арыйан дьон болҕомтотун тартылар. Арина кыратыттан хамсыыр-харамайы олуһун таптыыр буолан оскуола кэннэ маны дьарык үлэ оҥостубут. Кэргэнэ Мирослав онно эмиэ угуйуллан кыылларын оҕо кэриэтэ көрөллөр.
Хата тыыннаах муннук аана оҕо дьонунан толору. Сорох биирдиилээн, сорох кылааһынан, уһуйаанынан кэлэллэр. Билсэр төл. +79142375007
Тускулаана ГОРОХОВА-КОБЕЛЬЯНОВА