—Саха Өрөспүүбүлүкэтин судаарыстыбаннаһын күнүн көрсө Ил Дархан Айсен Николаев Саха сирин олохтоохторугар анаан үгэс буолбут быһа эпииргэ таҕыста. Өрөспүүбүлүкэбит араас муннуктарыттан 1400 ыйытыы киирбит. Ил Дархан өрөспүүбүлүкэбит араас хайысхаларыгар сыһыаннаах боппуруостарга чопчу эппиэттэри биэрдэ.
Арассыыйа Бэрэсидьиэнэ Владимир Путин Саха Өрөспүүбүлүкэтигэр сырыытын түмүгүнэн сорудахтары бигэргэппитин эттэ. Эрдэ Бэрэсидьиэн сорудахтара промышленнай бырайыактары кытта сибээстээх эбит буоллахтарына, билигин -дьон олоҕун хаачыстыбатын тупсарыыга буоларын сэргии иһиттим. Ону тэҥэ Айсен Николаев хамнас алын кээмэйэ (МРОТ) дойду үрдүнэн үрдүүрүн, тохсунньу 1 күнүттэн 56 тыһ.солк. буоларын иһитиннэрдэ.
ИЛ Дархан быһа эпииргэ тахсан норуот кыһалҕатын истэрэ олус үчүгэй. Инникигэ сайдыы былаан үгүс.
«Сунтаар сонуннара» улуус хаһыата
