Бүгүн, кулун тутар 5 күнүгэр, Сунтаардааҕы Ис дьыала уорганын ГАИ сулууспатын үлэһиттэрэ уонна Сунтаардааҕы Ис дьыала уорганын уопсастыбаннай сэбиэтэ, кэлэн иһэр Аан Дойду дьахталларын күнүнэн «Автоледига сибэкки» аахсыйаны ыыттылар.
Массыына ыытан иһэр кэрэ аҥаардары тохтотон, Сунтаардааҕы ГАИ сулууспатын уонна Ис дьыала уорганын уопсастыбаннай сэбиэтин аатыттан кэлэн иһэр Аан Дойду дьахталларын күнүнэн эҕэрдэ тириэртилэр уонна сибэкки бэлэх уунан кэрэ аҥаар суоппардары үөртүлэр. Кинилэргэ сааскы уйулҕаны, этэҥҥэ буолууну, үчүгэй суолу баҕардылар уонна суол быраабылаларын тутуһар тустааҕын туһунан санаттылар.
Дмитрий ЫМЫЧАНОВ