Олохтоох көҕүлээһини өйүүр судаарыстыбаннай бырагырааманан (ППМИ) сыллата көдьүүстээх үлэлэр ыытыллаллар. Нэһилиэктэргэ бу тосхолунан үгүс үлэ барар. Манна олохтоох дьаһалталар, нэһилиэнньэ бу бырагыраама суолтатын өйдөөн, көхтөөхтүк кытталлара хайҕаллаах суол.
Быйыл ППМИ-нан Сунтаар нэһилиэгин үс уулуссата лаампа уотунан сандаардылар. Ол курдук, Анна Петрова, Петр Иванов ааттарынан уонна Молодежнай уулуссаларга светодиоднай лаампалаах 34 опора турда. Бу үлэни Павел Николаев салайааччылаах “Энерго Технологии” ХЭТ толордо. Сырдатар уот ситимин уопсай уһуна – 1269 м. “Сунтаар нэһилиэгэ” МТ дьаһалтата ТГ-каналыгар суруйарынан, нэһилиэккэ уулуссалары сырдатыы үлэтэ салҕанар.
“Сунтаар сонуннара” хаһыат.
Хаартыска “Сунтаар нэһилиэгэ” МТ ТГ-каналыттан