Оҕону кыра эрдэҕиттэн ааҕыыга сыһыарар сыаллаах Оҕо Кинигэтин нэдиэлэтэ сыл аайы бэлиэтэнэр. Билиэн-көрүөн, саҥаны аһыан, кинигэни ааҕар, таптыыр оҕолорго анаан араас тэрээһиннэр ыытыллаллар. Бу кэрэ күнү быйыл оҕо бибилэтиэкэтэ уратытык оҥордо. Ол курдук, кулун тутар 29 күнүгэр Сунтаар устун “Библиобус” айаннаата. “Золотой ключик” остуоруйа дьоруойдара Буратино, Мальвина, Карабас-Барабас уонна “Смешарики” ойуулук дьоруойа Крош Сунтаар нэһилиэгин оҕо былаһааккаларынан сылдьан оҕолорго кинигэ, сурунаал көрдөрдүлэр уонна араас интэриэһинэй оонньуулары, биктэриинэлэри ыыттылар.
Мария НИКИФОРОВА
