Ил Дархан 20-с төгүллээх бэлиэ тэрээһинигэр Сунтаар улууһуттан барыта 33 бастыҥ үөрэнээччи кыттыыны ылла. Долгутуулаах, үөрүүлээх тэрээһиҥҥэ өрөспүүбүлүкэбит араас муннугуттан сыл устата бастыҥ үөрэхтээх, актыбыыс, спорка үрдүк ситиһиилэрдээх оҕолор, ону тэҥэ, норуоттар икки ардыларынааҕы, Бүтүн Арассыыйатааҕы олимпиадалар, научнай-практическай конференция кыайыылаахтара, призердара, ураты талааннаах оҕолор кытыннылар.
Өрөспүүбүлүкэбит үрдүнэн 10 бастыҥнар истэригэр Миранда Морозова (Бүлүчээннээҕи лиссиэй, 11 кыл. үөрэнээччитэ) киирэн улууспут биир киэн туттуута буолла.
Бу алыптаах, аптаах бырааһынньык оҕолорбутугар умнуллубат түгэни бэлэхтээтэ.
Үөрэҕирии пресс сулууспата