Бу күннэргэ улуустааҕы “Авиалесоохрана” баһаарынайдара ойуур баһаарын утары үлэҕэ бэлэмнэнэн саҕалаатылар.
Ол курдук, кулун тутар 4 күнүгэр Ньурбаҕа бараннар “Авиалесоохрана” Сунтаардааҕы отделениетын баһаарынайдара бөртүлүөттэн түһэргэ эрчиллэн кэллилэр. Ону сэргэ баһаарынайдар үлэҕэ сэрэхтээх буолууга этэҥҥэ экзамен туттарбыттар.
Бу күннэргэ Сунтаарга “Авиалесоохрана” Сунтаардааҕы, Ньурбатааҕы уонна Ленскэйдээҕи отделениеларын парашютистара үөһэттэн ыстанарга эрчиллэн саҕалыахтара.
Ити тэрээһиннэргэ Дьокуускай куорат авиабазатыттан 2 парашютнай-десантнай баһаарынай сулууспа инструктордара кэллилэр.
Билиҥҥи кэмҥэ “Авиалесоохрана” Сунтаардааҕы отделениетыгар 3 бөлөх парашютист -уопсайа 18 киһи уонна 3 бөлөх десантниктар уопсайа 22 киһи баар.
Дмитрий ЫМЫЧАНОВ