Ааспыт субуотаҕа Сунтаарга иккис төгүлүн Аҕа дойду Улуу сэриитин кыттыылааҕа Владимир Алексеевич уонна Үлэ Кыһыл Знамятын кавалера Ксения Софроновна Уаровтар сырдык ааттарыгар Кыайыы 80 сылыгар аналлаах эр дьоҥҥо кыраккыыга күрэх ыытылынна. Сүрүн успуонсар — күтүөттэрэ Виталий Владимирович Слепцов бириис арааһын туруорда.
18-59 саастаахтарга: 1м. — Дмитрий Игнатьев, 2м. — Егор Саввинов, 3м. — Александр Уаров.
60-69 саастаахтарга: 1м. — Владимир Спиридонов, 2м. — Кирилл Павлов, 3м. — Афанасий Семенов.
70-79 саастаахтарга: 1м. — Ким Павлов, 2м. — Анатолий Аммосов, 3м. — Егор Петров.
80 үөһэ саастаахтарга: 1м. — Николай Максимов, 2м. — Револий Павлов.
Анал ааттар:
«Саамай эдэр кыттааччы» — Дмитрий Игнатьев, «Саамай үрдүк көрдөрүү» — Николай Максимов, «Кыайыыга дьулуурун иһин» — Климент Омуков, «Кэскиллээх оонньооччу» — Виталий Каплин.
Олус кыраһыабай, тыҥааһыннаах киирсии Кыайыы саастыылаахтарыгар буолла. Көрдөрүүлэрэ да — 58:56!
Кыайыылаах Николай Максимов: «Сарсыарда тоҥҥо кэлэн, Киимэ былаһааккатыгар күн аайы эрчиллэбин. Кэлбит дьону үөрэ-көтө үөрэтэбит», — диир.
Өссө биир үөрдэр түгэнинэн физкультура учууталлара кэлэн астына -дуоһуйа оонньообуттара буолар. Салгыы оскуолаларыгар кыраккыыны сайыннарыахтара диэн эрэнэбит.
Сунтаар улууһун кыраккыы успуордун федерацията (Егор Петров, Ким Павлов) ити курдук бэтэрээннэр спартакиадаларыгар уонна аны күһүн буолуохтаах республиканскай күрэххэ бэлэмнэнии үлэтин ыытар.
Сунтаар улууһун дьаһалтатын физкультураҕа уонна успуорка салаата