Сунтаар быһый аттара сырыстылар

Бүгүн, бэс ыйын 20 күнүгэр, Сунтаар Үрүҥ Тунах ыһыаҕын ат сүүрдүүтэ Дьөһөгөй күрүөтүгэр буолла.

Ыһыах киэргэлэ буолбут биир күүтүүлээх түгэнэ — Дьөһөгөй оҕотун сырсыыта үөрүүлээх быһыыга-майгыга аһыллан бэрт сэргэхтик саҕаланна. Саха киһитин абырала, аллар атаһа буолбут сылгы барахсан үгэс буолбут сыыдам сырыытынан илин түсүһэр күрэһин көрө үгүс киһи ипподромҥа муһунна.

Сунтаар улууһун баһылыга Анатолий Григорьев быйылгы ат сүүрдүүтүн эҕэрдэ тылынан арыйда:

— Үрүҥ Тунах ыһыах биир саамай көстүүлээх, кэтэһиилээх түгэнинэн эҕэрдэлиибин! Бүгүн 6 сүүрүүгэ 18 сылгы күөн көрсүөхтэрэ. Манна биһиги ытык-мааны аҕам саастаах ытык-мааны киһибит, оҕо эрдэҕиттэн сылгыга убаммыт Евгений Евсеевич аатыгар сырсыы буолуоҕа. Ким күүстээх, бэлэмнээх кыайдын! — диэбитин сыспай сиэллээх сырсыытын көрө кэлбиттэр ытыс тыаһынан көрүстүлэр. Ат сүүрүүтүн Павел Кырелов кэмэнтээрийдээтэ.Быйылгы ат сүүрдүүтэ алта түһүмэл сырсыыттан турда.

1 түһүмэххэ 1200 м урут сүүрэ илик саха аттара (3 саастаахтар) күрэс былдьастылар.

Бастакы быһырхай сүүрүү түмүгэр:

I м. ылла 1 мүн. 48 с. биэтэккэ кэлбит үс саастаах

Күдээрис, сүүрдээччитэ Стас Архипов (Дьаархан),

II м. ала сиэр дьүһүннээх Дьулурхан 1 м. 54 с., Күндэйэ, сүүрдээччи Прокопий Варфоломеев,

III м. Хоро сүүрүк ата Чысхаан, 1 м.58 с. көрдөрүүлээх, сүүрдээччи Семен Иванов, баайааччыта Семен Игнатьев.

2-с түһүмэл сырсыы 1600 м сааһыттан тутулуга суох саха аттарыгар:

I м. Дохсун (2 м. 37), Уһун Күөл, Федот Генеров,

II м. Чолбон (2 м. 39 с.), Прокопий Варфоломеев, Күндэйэ.

III м. 14 саастаах Сулус, Савва Саввинов (2 мүн. 53 с.) Күндэйэ

3-с түһүмэл сырсыы саастарыттан тутулуга суох саха аттара 2400 м.

I м. Ноко, 13 саастаах, 3 мүн. 51 с. Артем Игнатьев, (Күндэйэ).

II м.9 саастаах Дьөһөгөй 4 мүн. 00 с. Федот Генеров (Куокуну).

III м. саһыл кэрэ дьүһүннээх 16 саастаах Кандидат, 4 м. 24 с. Станислав Архипов (Күндэйэ).

4-с түһүмэл сырсыы 2400 м. сиэнчэрдэр:

I м. Виктория Ай, 3 мүн. 3 сөк. (Туойдаах), Василий Федоров,

II м. 6 саастаах Арчы, 3 мүн. 11 с. сүүрдээччи Иванов Руслан (Маар Күөл)

III м. 10 саастаах хара тураҕас Браток, 3 мүн. 28 с. Николай Прокопьев (Туойдаах).

5-с түһүмэл сырсыы 3200 м. саха боруода аттара Сунтаар улууһун биир бастыҥ ат баайааччыта Уһун Күөлтэн төрүттээх Евгений Алексеев бирииһигэр бастыыр иһин күрэс былдьастылар:

I м. 10 саастаах Күлүмнүүр, 6 мүн. 12 с., Семен Игнатьев (Хоро),

II м. Эрилик, Прокопий Варфоломеев (Күндэйэ),

III м. 18 саастаах Кулунчук, (Маар Күөл), Руслан Иванов.

6-с түһүмэл сырсыы 1600 м. «Бостуук ата» диэн категорияҕа Сунтаар улууһун биллэр ат сүүрдээччитэ, Үлэ Кыһыл Знамята уордьан кавалера, сэрии кыттыылааҕа Тэҥкэ нэһилиэгиттэн төрүттээх Николай Ананьев бирииһигэр бастыыр иһин сырсыы:

I м. Дайар, Геннадий Пустоляков (Хадан),

II м. Бэк, (Күндэйэ) тириэньэрэ Савва Саввинов,

III м. сэттэ саастаах Индеец Федот Генеров, (Куокуну)

Кыайыылаахтарга, кыттыылаахтарга эҕэрдэ буоллун!