Бүгүн, Дьокуускай куоракка Ил-Дархан Айсен Николаев өрөспүүбүлүкэ балыыһаларыгар ыарыһаҕы таһар саҥа массыына күлүүстэрин туттартаата. Тиэхиньикэлэр «Доруобуйа» национальнай бырайыагынан доруобуйа харыстабылын бастакы сүһүөх звенотун саҥатытан оҥоруу бырагырааматын чэрчитинэн кэллилэр. Сунтаар улууһун доруобуйатын харыстабылыгар кэлэр анал массыына Бүлүүчээннээҕи врачебнай амбулаторияҕа бэриллэрэ күүтүллэр. Саҥа массыыналар ыарыһаҕы таһарга аналлаах аныгы тэрилинэн толору хааччыллыбыттар. Суһал көмөнү оҥоруу өссө түргэтиэ диэн доруобуйа харыстабылын үлэһиттэрэ үөрүүлэрин үллэстэллэр.
Мира АФАНАСЬЕВА
