Бу дьыл ахсынньы 9 күнүгэр, Сиэйэ нэһилиэгэр Ю.М.Гурьев аатынан култуура дьиэтигэр биир дойдулаахпыт, билигин Устье нэһилиэгэр бибилэтиэкэринэн үлэлиир Василисса Андреева үйэ аҥардаах үбүлүөйдээх сылынан «Айылҕа уонна мин» диэн хаартысканан быыстапкатын үөрүүлээх аһыллыыта буолла.
Хаартыскаларга айылҕа оҕолорун дьыл араас кэмигэр хатаабыт дьүһүйүүлэрин дьон көрүүтүгэр туруорда. Маны таһынан, быыстапкаҕа аҕатын Михаил Васильевич Михайлов аатын үйэтитэн, кини дьарыгын ситэрэрин этэн туран, урукку сэдэх хаартыскалары эмиэ көрдөрүүгэ таһаарда.
Василисса Андреева төрөөбүт дойдубут хас биирдии көтөрүн, үүнээйитин аатын барытын энчирэппэккэ билэрэ сөхтөрдө. Хаартыскаҕа таба түһэрии- бу эмиэ туспа айыллыы, талаан. Быыстапка үөрүүлээх аһыллыытыгар истиҥ- иһирэх тыллар этилиннилэр. Кэлбит дьон кыратык да буоллар күннээҕи түбүктэриттэн сынньанан ураты, кэрэ эйгэҕэ сыстыбыттарын эттилэр, фотографка айымньылаах үлэни баҕардылар.
Быыстапка култуура дьиэтигэр биир нэдиэлэ туруоҕа.
Мария ЕФИМОВА- Ю.М.Гурьев аатынан култуура дьиэтин салайааччыта
