Бүгүн, тохсунньу 20 күнүгэр, Саха сиригэр физкультурнай хамсааһын 100 сылыгар аналлаах «ЧЫПЧААЛ — 2023» улууспутугар тэрээһин ыыыллар. Ол чэрчитинэн Сиэйэ нэһилиэгэр култуура уонна успуорт киинин үөрүүлээх аһыллыыта буолла.
Биир дойдулаахтарын үөрүүлээх күннэринэн Сиэйэттэн төрүттээх Виктор Иванов-Сиэйэ Уола алгыс тыл эттэ, биир дойдулаахтарын үөрүүтүн үллэһиннэ.
«Үтүө дьыала» чэрчитинэн тутуллубут эбийиэк аалай кыһыл лиэнтэтин дьоһун ыалдьыттар кырыйдылар. Ол кэннэ Сунтаар улууһун баһылыга Анатолий Григорьев, СӨ физкультура уонна спорт миниистирин бастакы солбуйааччыта Александр Бугаев Сиэйэ нэһилиэк олохтоохторугар эҕэрдэлэрин тириэртилэр. «Мин Сахам сирэ XXI үйэҕэ» үтүө дьыала хамсааһын салайааччыта Алексей Петров ыалдьыттаата, олохтоохторго истиҥ эҕэрдэтин эттэ.
Успуорт бэтэрээннэригэр, ситиһиилээх, кыайыылаах спортсменнарга наҥараада туттардылар, успуорт саҥа дьиэтэ үлэҕэ киирэн, Сиэйэ ыччата эт-хаан өттүнэн дьарыктанан, инникитин успуорка үгүс ситиһиилэри ситистиннэр, нэһилиэктэрин, улуустарын ааты ааттата турдуннар диэн баҕа санаа бастыҥын эттилэр.
Дмитрий ЫМЫЧАНОВ
Ааптар хаартыскаҕа түһэриитэ, видеоҕа устуута