Саҥа дьыл, Саҥа дьыл киэһэтэ. Биһиэхэ эргиллэн кэллэҕэ. Саҥа дьыл киэһэтин көрсүөҕүҥ. Үҥкүүлээн эргийэн биэриэҕиҥ.
Кириэстээх нэһилиэгэ Саҥа дьылы көрсөр үөрүүлээх тэрээһинэ бэрт сэргэхтик ааста. Бу күн баһылык Александр Григорьев улуустан, нэһилиэктэн үлэ дьонугар наҕараадалары туттартаата. Мустубут дьоҥҥо-сэргэҕэ нэһилиэк кэккэ үлэлэрин, ситиһиилэрин иһитиннэрдэ, истиҥ эҕэрдэтин тириэртэ. Бастыҥтан бастыҥнар ааттаннылар:
«Сыл бастыҥ спортсмена» — Эльдар Ушатов.
«Сыл бастыҥ үлэ тэрилтэтэ» — орто оскуола.
«Сыл Ытык кырдьаҕаһа» — Комарикова Александра Прокопьевна.
«Сыл мецената» — ИП «Ордахов Т.М.»
«Сыл волонтера» — Егорова Надежда Федотовна.
«Сыл уһуйааччыта» — Тимофеева Августина Эдуардовна.
«Сыл бастыҥ дьиэ кэргэнэ» — Анатолий Егорович, Елена Владимировна Саввиновтар
«Сыл бастыҥ түмсүүтэ» — «Утум» түмсүү
Дьоро киэһэҕэ Саҥа дьылы көрсө култуура киинэ бэрт сонун «Карнавальная ночь» тэрээһини туруорда. Бырааһынньыктааҕы киинэ бэстибээлгэ нэһилиэк түмсүүлэрэ, ыччаттар, «Солнышко» уһуйаан кэлэктиибэ көхтөөхтүк кытыннылар.
Бары кыттааччылар, кыайыылаахтар тэрийээччилэртэн сиэдэрэй бэлэхтэри туттулар.
Үүммүт Саҥа сылынан!
Людмила ДАНИЛОВА