Бүгүн, от ыйын 3 күнүгэр, Дьокуускай куорат «Кыайыы 50 сыла» успуорт комплексыгар «Азия оҕолоро» оонньууларын мини-футболга түмүк киирсиилэрэ буоллулар. Ол курдук, III миэстэ иһин Узбекистан уонна Уһук Илин федеральнай уокурук хамаандалара оонньоотулар. 5:1 ахсаанынан Уһук Илин федеральнай уокурук хамаандата кыайан, боруонса мэтээлгэ тигистэ. Оттон I миэстэни Ураллааҕы федеральнай уокурук уонна Саха сирин хамаандалара былдьастылар. Күүстээх киирсии кэннэ Ураллааҕы федеральнай уокурук хамаандата 3:2 ахсаанынан кыайан, кыһыл көмүс мэтээли ылла. Оттон Саха Сирэ хамаандата үрүҥ көмүс призер буолла.
«Азия оҕолоро» мини-футбол көрүҥэр уопсайа 7 хамаанда кытынна.
Дмитрий ЫМЫЧАНОВ
Хаартыска ЯСИА сайтыттан