Өрөспүүбүлүкэҕэ «Саха сирэ – дьоруойдар сирдэрэ» кадровай бырагыраама сүүмэрдиир түһүмэҕэр сайаапканы хомуйуута кулун тутар 21 күнүнэн түмүктэммитэ. Бу бырагырааманан үөрэниигэ өрөспүүбүлүкэ оройуоннарыттан 583 сайаапка киирбит. «Саха сирэ – дьоруойдар сирдэрэ» бырагыраама бүтэһик испииһэгин бэс ыйыгар оҥоруохтара. Кинилэр үөрэтии быраактыкатын чааһын ааһыахтара. Бу туһунан өрөспүүбүлүкэ Ил Дархана Айсен Николаев «Саха сирэ, иннин диэки!» биэрии кэмигэр иһитиннэрбитэ.
«Саха сирэ – дьоруойдар дойдулара» бырагыраама биир уонна икки эрэ сыл буолуо суоҕа. Бырагыраама байыаннай дьайыы кыттыылаахтарын уонна бойобуой дьайыылар бэтэрээннэрин муниципальнай уонна өрөспүүбүлүкэтээҕи таһымҥа өрөспүүбүлүкэни көхтөөхтүк салайыыга туһуланар. Спектрга министиэристибэлэр, биэдэмистибэлэр, бөһүөлэктэр, куораттар уонна оройуоннар дьаһалталарын, тэрилтэлэрин судаарыстыба өйөбүллээх киирэллэр. Уолаттар Саха сирин уонна Арассыыйа туһугар байыаннай дьайыы хонуутугар хайдах сылдьыбыттарын курдук бэриниилээхтик сулууспалыахтарыгар Ил Дархан эрэнэрин биллэрбитэ.
«Саха сирэ – дьоруойдар сирдэрэ» диэн кадровай бырагыраама Ил Дархан иһинэн үлэлиир инновационнай менеджмент Үрдүкү оскуола баазатыгар ыытыллар.
«Саха сирэ — дьоруойдар сирдэрэ» бу биһиги дойдубутун көмүскээбит дьоҥҥо бэйэлэрин кыахтарын атын эйгэҕэ холонон көрөргө анаммыт бырагыраама.
«Сунтаар сонуннара» хаһыат