Бүгүҥҥэттэн үс күннээх куоластааһын күннэрэ саҕаланна. Быйылгы быыбар хаһааҥҥытааҕар да көхтөөхтүк ыытылларын учаастактарыгар куоластыы кэлбит дьон бэлиэтээн этэр.
Сунтаар улууһун территориальнай быыбардыыр хамыыһыйата бүгүн, 08.09.2023 с. 14 чаастааҕы дааннайынан Түбэй Дьаархаҥҥа – 109, Түбэйгэ – 53, Сиэйэҕэ – 80, Күүкэйгэ – 105, Кутанаҕа- 98, Толооҥҥо – 23, Элгээйигэ – 209, Хороҕо – 67, Күндэйэҕэ – 133, Кэмпэндээйигэ – 94, Устьеҕа – 54, «Промкомбинат» — 150, «Парковай» — 256, Сунтаар – 167, «Партизан” – 143, Томуһукааҥҥа – 166, Абаҕаҕа — 173, Туойдаахха — 38, Хадаҥҥа — 76, Илимнииргэ — 55, Бордоҥҥо — 110, Тэҥкэ — 14, Аллыҥаҕа — 47, Маар Күөлгэ — 68, Дьаархаҥҥа — 73, Арыылаахха — 76, Тойбохойго – 126, Куокунуга — 95, Кириэстээххэ — 100, Наахараҕа – 28 уонна Бүлүүчээҥҥэ — 143 киһи кэлэн куоластаабыт.
Быыбардааччылар ортолоругар ытык кырдьаҕастар да элбэхтэр, күн бастакы аҥаарыгар олортон холобур, Түбэй нэһилиэгин олохтооҕо, үлэ бэтэрээнэ 85 саастаах Алексей Матвеевич Данилов, Сиэйэҕэ 83 саастаах Виктор Афанасьевич Терешкин, Дьаархан нэһилиэгэр 83 саастаах Татьяна Ивановна Тихонова, Арыылаахха 86 саастаах Виктор Иннокентьевич Ефремов уонна Күндэйэҕэ 91 саастаах ытык кырдьаҕас Елена Николаевна Николаева бэйэлэрин учаастактарыгар кэлэн, бэйэлэрэ талбыт кандидаттарыгар куоластаан бардылар. Аҕам саастаах, ытык кырдьаҕастарбытын сэргэ олохторугар аан маҥнай быыбар диэҥҥэ кыттар ыччаттар эмиэ аҕыйаҕа суохтар. Олортон холобур бу сарсыардаттан Кэмпэндээйигэ, Кутанаҕа уонна Сунтаар учаастактарыгар бастакытын кэлэн быыбардаан барбыт ыччат элбэх.
Онон куоластааһын бастакы күнэ көхтөөхтүк саҕаланна.
Юлия АЛЕКСЕЕВА.