Полиция модульнай участковай пууна аһылынна

Бүгүн, сэтинньи 14 күнүгэр, Сунтаар нэһилиэгин «Партизан» түөлбэтигэр элбэх кыбартыыралаах таас дьиэлэр аттыларыгар, саҥа полиция модульнай участковай пууна үөрүүлээхтик аһылынна.

Бу участковай пуун «Сокуону кэһиии профилактиката» мунициальнай бырагыраама чэрчитинэн үлэҕэ киирдэ. Участковайдар олорон таһаарыылаахтык үлэлииллэригэр толору хааччыллыылаах.

Тэрээһиҥҥэ Сунтаар улууһун баһылыга Анатолий Григорьев, Сунтаар улууһун ИДьО отделын начальнига, полиция полковнига Анатолий Филатов, Сунтаар ИДьО участковай уонна ПДН отделын начальнига, полиция майора Сардаана Евсеева бу үтүө күнүнэн эҕэрдэ тылларын этэн баран, кыһыл лентаны быһан үөрүүлээх түбэлтэни бэлиэтээтилэр.

Дмитрий ЫМЫЧАНОВ