Дьаархан нэһилиэгэр тохсунньу 9 күнүгэр Ороһуоспатааҕы «Паарнай ракетка» күрэх бэрт сэргэхтик буолан ааста.
Уһун өрөбүллэр кэннэ «Дьулуур» манежка дьон-сэргэ тоҕуоруһа мустан, ыһыылаах-хаһыылаах тыҥааһыннаах киирсии тэрилиннэ. Барыта 18 остуол тениһин сэргээччи сэрэбиэйинэн иккилии буолан 9 хамаандаҕа арахсан күрэхтэстилэр.
Түмүккэ 1 миэстэни Светлана Иванова, Евгений Федоров ыллылар. 2-с миэстэни Владимир Николаев, Данил Кондратьев буоллулар. Оттон 3-с миэстэни Станислав Гольдеров уонна Арсен Анеха ыллылар.
Кыайыылаахтар усунуоска киирбит харчынан илии тутуурдаах, мэтээллээх уонна туоһу суруктаах тарҕастылар.
Инникитин бу курдук манежка сылдьан доруобуйаны чэбдигирдиэҕиҥ, инникитин ыытыллар тэрээһиннэргэ көхтөөхтүк кыттыаҕыҥ.
Станислав ГОЛЬДЕРОВ