СӨ үөрэҕириитин туйгуна, ытыктыыр учууталбыт, мындыр уус, уруһуйдьут, успуорт бэтэрээнэ Владислав Иванов сырдык аатыгар, урукку өттүгэр остуол тенниһинэн дьарыктаммыт дьону көҕүлээри, ыччаппытыгар бу кэскиллээх успуорт көрүҥүн тэнитээри, уһуйаары, интэриэһи үөскэтээри, Кундэйэбитигэр остуол тенниһин күрэхтэһиитэ сүрдээх көттөөтүк, өрө көтөҕүллүүлээхтик буолан ааста.
Урукку өттүгэр оонньообут, дьарыктаммыт дьоммут эдэр саастарын санаан, аралдьыйа таарыйа, кэнчээри ыччаппытын көҕүлээн кэлэн күрэхтэһиигэ кыттыыны ыллылар. Ол курдук, барыта 21 кыттааччы күөн көрүстэ.
Күрэхтһии түмүгэ маннык буолла:
— орто саастаах оҕолорго 1 м. – 6-с кылаас үөрэнээччитэ Гуринов Талбан, 2 м. –5-с кылаас үөрэнээччитэ Пестерев Тимур, 3-с м. – 8-с кылаас уерэнээччитэ Имаев Эльдар.
— улахан оҕолорго 1 м. – 11-с кылаас үөрэнээччитэ Гуринов Николай, 2-с м. – 9-с кылаас үөрэнээччитэ Иванов Тимур.
— 55-тэн үөһэ саастаах дьахталларга 1 м. – Любовь Львова, 2-с м. – Татьяна Львова.
— 40 саастарыгар диэри эр дьоҥҥо 1 м. – Макаров Вячеслав, 2-с м. –Львов Александр, 3-с м. – Быковский Айан
— 40 саастарыттан үөһээ саастаах эр дьоҥҥо 1 м. — Егоров Георгий, 2-с м. – Меняков Арнольд, 3-с м. – Андреев Егор
— 55-тэн үөһээ саастаах эр дьоҥҥо 1 миэстэни ылла Петров Александр, 2-с м. – Саввинов Василий, 3-с м. – Иванов Олимпий.
Күрэхтэһиигэ Владислав Прокопьевич кэргэнэ Маргарита Николаевна уонна кини оҕолоро туруорбут «Кэскиллээх оонньооччу» анал ааты 11-с кылаас үөрэнээччитэ Гуринов Николай ылла. Маны таһынан «Муҥутуур кыайыылаах» үрдүк аатын Макаров Вячеслав ылла уонна Владислав Прокопьевич оскуолаҕа бииргэ үөрэммит доҕотторо туруорбут анал бириистэрин хаһаайына буолла. Маны таһынан күрэхтэһиигэ кыттыбыт дьоммутугар эмиэ сэмэй бэлэхтэр туттарыннылар.
Күрэхтэһии сүрүн судьуйатынан үлэлээбит Розалия Ивановаҕа барҕа махтал тылларбытын тириэрдэбит. Кэлэн күрэхтэһиигэ кыттыбыт дьоммутугар истиҥ махтал буоллун, инникитин да остуол тенниһин сэргээн, сэҥээрэн көхтөөхтүк кыттыҥ диэн ыҥырабыт.
Успуорсардарбытыгар, анал бириистэрин туруорбут дьоммутугар ис сүрэхтэн махтал тылларбытын этэбит. Барыгытыгар дьолу, доруобуйаны баҕарабыт.
Людмила ЛЬВОВА