Арыылаах агрохайысхалаах оскуолатыгар биир кэлим профсоюз уруога 10-с кылаас оҕолоругар дьыалабыай оонньуу курдук ыытылынна. Уруогу нуучча тылын уонна литературатын учуутала Анастасия Осипова ыытта. Уруокка оскуола профкомун бэрэссэдээтэлэ Фекла Ивановна сылдьан профсоюз оруолун туһунан кэпсээтэ. Оҕолор оруолларын үллэстэн профсоюзка туруорсуулаах кэлбит киһи кыһалҕатын быһаардылар, анал дьыалалары, докумуоннары толоро үөрэннилэр. Профсоюз наадатын туһунан элбэҕи биллилэр, уруоктан астынан тарҕастылар.
Надежда ПЕТРОВА,
дириэктэри иитэр үлэҕэ солбуйааччы