Ураты харыстанар сир инспектора Николай Герасимов, Кэмпэндээйитээҕи орто оскуола үөрэнээччилэрин кытта экологическай аахсыйа оҥордулар.
Кэмпэндээйиттэн 12 км. тэйиччи турар Буокунай үрэҕэр Николай Герасимов сайыҥҥы өттүгэр ойуур кыылларыгар эбии аһылык бэлэмнээбитин Кэмпэндээйитээҕи орто оскуола үөрэнээччилэрин кытта 40 хатыҥ лабаатын сүүмэҕин хатыҥ маска баайбыттар.
Кыһын хаар халыҥаатаҕына ойуур кыыла аһылык булара уустуктардаах буолар. Онон маннык бэлэмнэммит эбии аһылыктан куобахтар, тайахтар, туртастар о.д.а ойуур кыыллара сэниэ ылан, кыһыны этэҥҥэ туорууларыгар улахан көмө буолар.
Ону сэргэ маннык аахсыйалар үүнэр, эдэр көлүөнэни тулалыыр эйгэни харыстыырга уонна айылҕаҕа ытыктабыллаахтык сыһыаннаһалларыгар үөрэтэр.
Дмитрий ЫМЫЧАНОВ