Оҕолор үлэлэрин ситиһиилээхтик көмүскээтилэр

Эрдэ суруйбуппут курдук Сунтаарбыт оҕолоро бу күннэргэ Москва куоракка XXXII Бүтүн Россиятааҕы «Первые шаги в науке» конференцияҕа кытыннылар. Дакылаат көмүскээһинин таһынан оҕолор сүрдээх элбэх билиини-көрүүнү хаҥатар быыстапкаларга о.д.а сырыттылар, дойду киин куоратын устун күүлэйдээтилэр.
Конференцияҕа уопсайа 49 регионтан 833 оҕо кытынна. Бу түмүгүнэн оҕолорбут чинчийэр, бырайыактыыр үлэлэрин үрдүкү дьүүллүүр сүбэ иннигэр көмүскээн Ераскумов Эрхан, Ераскумов Никита (сал.Трофимова Д.А.) «Краеведение» секцияҕа, Попова Милана, Тимофеева Василина (сал.Попова А.Н.) «Филология», Иванова Сайаана (сал.Попова А.Н.)»Экология» секцияҕа 1-кы истиэннээх лауреат, Иванова Майя (сал.Потапова Н.В.) «Биология» секцияҕа — 2-с истиэпэннээх лауреат буоллулар.
Оҕолор маннык үрдүк таһымнаах тэрээһиҥҥэ билии-көрүү эбиллэн сайдан кэлэллэрэ саарбаҕа суох.
Маны тэҥэ РФ Бэрэсидьиэнигэр СӨ Бастайааннай бэрэстэбиитэлин солбуйааччыта М.Н.Сафонова «Саха волонтердарга» илии тутуурдаах ыалдьыттаабыт бу Сунтаарбыт улууһун дэлэгээссийэтигэр тус бэйэтин уонна бэрэстэбиитэлистибэ аатыттан Махтал суругу туттарда.
Оҕолор бу биир умнуллубат айаннарын, сырыыларын туһунан суруйан ааҕааччыларга билиһиннэриэхтэрэ.

Юлия-Айархаана Алексеева.